O‘zining o‘tkir iqtiboslari va shedevr gollari bilan barchaga tanish Zlatan Ibrahimovich “Mirror” nashri uchun bergan intervyusida zamonaviy futbolga qisqacha to‘xtalib o‘tdi. Ayni damda “Milan”da to‘p surayotgan futbolchi zamonaviy futbolchilar ichida kimning o‘yinlarini miriqib tomosha qilishini ham oshkor qildi.

Bu albatta Mbappe! To‘g‘ri, u hali juda yosh, biroq ishonamaki Killian o‘sishdan to‘xtab qolmaydi. Uning yoshiga e’tibor bermang, u allaqachon yulduz darajasiga chiqib bo‘ldi. Umid qilamanki, u g‘alabaga chanqoqlikni yo‘qotib qo‘ymaydi va o‘z ustida ishlashda davom etadi.

Bu yosh futbolchilar uchun juda muhim omil. Agar senda yaxshi uy, zo‘r mashina va chiroyli qizlar bo‘lsa, oldinga intilishning iloji yo‘q. Men Killian bularni chetlab o‘tishiga umid qilaman. Agar, futbolchi sifatida yildan-yilga o‘sib borsa, unda ulkan g‘alabalarga erishish imkoni mavjud. Buning uchun maydondagi sovuqqonlikni yo‘qotmaslik talab etiladi. Zamonaviy futbolda sovuqqonlik juda muhim rol o‘ynayotganini inobatga olsak, bu jihat borasida ham Mbappe o‘sishi kerek.

Avvalari, barcha hujumchilar Ronaldoga taqlid qilar edi. Shu jumladan men ham. Uning o‘z uslubi bo‘lgan. Zamonaviy futbolchilar orasida menga o‘ylashimcha Mbappe ko‘proq ma’qul kelmoqda. Uning o‘yinlariga razm solsangiz, Killian qolganlardan yaqqol ajralib turishini darrov his etasiz.