Ўзининг ўткир иқтибослари ва шедевр голлари билан барчага таниш Златан Ибраҳимович “Mirror” нашри учун берган интервьюсида замонавий футболга қисқача тўхталиб ўтди. Айни дамда “Милан”да тўп сураётган футболчи замонавий футболчилар ичида кимнинг ўйинларини мириқиб томоша қилишини ҳам ошкор қилди.

Бу албатта Мбаппе! Тўғри, у ҳали жуда ёш, бироқ ишонамаки Киллиан ўсишдан тўхтаб қолмайди. Унинг ёшига эътибор берманг, у аллақачон юлдуз даражасига чиқиб бўлди. Умид қиламанки, у ғалабага чанқоқликни йўқотиб қўймайди ва ўз устида ишлашда давом этади.

Бу ёш футболчилар учун жуда муҳим омил. Агар сенда яхши уй, зўр машина ва чиройли қизлар бўлса, олдинга интилишнинг иложи йўқ. Мен Киллиан буларни четлаб ўтишига умид қиламан. Агар, футболчи сифатида йилдан-йилга ўсиб борса, унда улкан ғалабаларга эришиш имкони мавжуд. Бунинг учун майдондаги совуққонликни йўқотмаслик талаб этилади. Замонавий футболда совуққонлик жуда муҳим рол ўйнаётганини инобатга олсак, бу жиҳат борасида ҳам Мбаппе ўсиши керек.

Аввалари, барча ҳужумчилар Роналдога тақлид қилар эди. Шу жумладан мен ҳам. Унинг ўз услуби бўлган. Замонавий футболчилар орасида менга ўйлашимча Мбаппе кўпроқ маъқул келмоқда. Унинг ўйинларига разм солсангиз, Киллиан қолганлардан яққол ажралиб туришини дарров ҳис этасиз.