Мадриднинг «Атлетико» клуби ҳужумчиси Хулиан Альварес яқин кунларда ўз келажаги бўйича янги баёнот бериши мумкин. «Матрасчилар» аргентиналик футболчини «Барселона»га қўйиб юборишмоқчи эмас, бироқ футболчининг ўзи каталонияликлар сафига ўтишни хоҳламоқда.
Mundo Deportivo нашри тарқатган хабарларга кўра, ҳужумчи клуб раҳбариятига босим ўтказиш мақсадида яқин кунларда жамоадан кетиш истаги борлигини ошкора эълон қилиши кутилмоқда.
Ҳозирча «Барселона»нинг трансфер бўйича янги таклиф тайёрлаётгани номаълум. Каталония клуби аввалроқ 26 ёшли футболчи учун 100 миллион евро тўлашга тайёр эканини билдирган, аммо «Атлетико» бу борада музокара ўтказишдан қатъиян бош тортган эди.
