«Real» klubi sobiq hujumchisi Davor Shuker madridliklarning Yevropa chempionlar ligasi va Ispaniya La ligasidagi ishtiroki borasida o‘z fikrlarini bildirib o‘tdi.

«Chempionlar ligasida omad ko‘pincha hal qiluvchi ahamiyatga ega. U ko‘p holatlarda «Real»ga hamrohlik qildi, ammo «Man Siti»ga qarshi birinchi o‘yinda emas.

Oson bo‘lmaydi, lekin "shaharliklar"ga muammo tug‘dirish uchun imkoniyatlar bo‘ladi. «Man Siti» anchadan beri o‘z e’tiborini faqat Chempionlar ligasiga qaratib kelishmoqda.

«Barselona» ustidan qozonilgan g‘alaba (2:0) «qaymoqranglilar»ga o‘ziga bo‘lgan ishonch va hurmatni taqdim etadi. Biz bu imkoniyatdan foydalanishimiz kerak. «Real» har qanday holatda ham 1-o‘rinni qo‘ldan chiqarishi kerak emas. La liga bizniki bo‘lishi kerak.

Jamoa amalga oshirish qiyin bo‘lgan natijaga erishdi. Endi qolgan turlarda ishonch bilan harakat qilishi kerak. «Barselona»ga ham oson emas, endi ular ortda qolishmoqda. "Klasiko"dagi mag‘lubiyat hamisha o‘z izini qoldiradi», – dedi Shuker.