«Реал» клуби собиқ ҳужумчиси Давор Шукер мадридликларнинг Европа чемпионлар лигаси ва Испания Ла лигасидаги иштироки борасида ўз фикрларини билдириб ўтди.

«Чемпионлар лигасида омад кўпинча ҳал қилувчи аҳамиятга эга. У кўп ҳолатларда «Реал»га ҳамроҳлик қилди, аммо «Ман Сити»га қарши биринчи ўйинда эмас.

Осон бўлмайди, лекин "шаҳарликлар"га муаммо туғдириш учун имкониятлар бўлади. «Ман Сити» анчадан бери ўз эътиборини фақат Чемпионлар лигасига қаратиб келишмоқда.

«Барселона» устидан қозонилган ғалаба (2:0) «қаймоқранглилар»га ўзига бўлган ишонч ва ҳурматни тақдим этади. Биз бу имкониятдан фойдаланишимиз керак. «Реал» ҳар қандай ҳолатда ҳам 1-ўринни қўлдан чиқариши керак эмас. Ла лига бизники бўлиши керак.

Жамоа амалга ошириш қийин бўлган натижага эришди. Энди қолган турларда ишонч билан ҳаракат қилиши керак. «Барселона»га ҳам осон эмас, энди улар ортда қолишмоқда. "Класико"даги мағлубият ҳамиша ўз изини қолдиради», – деди Шукер.