«Барселона»нинг чап қанот ҳимоячиси Алехандро Бальде «Манчестер Юнайтед»нинг қизиқишлар доирасида қолмоқда. «Кўк-анорранглилар» футболчини сотиш имкониятини кўриб чиқишга тайёр эканликларини билгач, «қизил иблислар» 22 ёшли ўйинчи бўйича сўров билан мурожаат қилишди, деб хабар бермоқда Mirror.
Каталония клуби ўз тарбияланувчисидан албатта қутулиш ниятида эмас, бироқ у билан хайрлашишни тўлиқ истисно этмайди. Чунки бош мураббий Ханс-Дитер Флик уни бошқа асосий таркиб ўйинчиси сифатида кўрмаяпти. «Юнайтед» расмийлари Бальденинг иқтидорини юқори баҳолашмоқда ва вазиятни кузатишда давом этишяпти. Турли манбаларнинг бир неча бор хабар беришича, испаниялик футболчининг ўзи клубдан кетишни истамаяпти.
Латералнинг бозор қиймати Transfermarkt портали баҳосига кўра 50 миллион еврони ташкил қилади.
