«Манчестер Сити» собиқ бош мураббийи Хосеп Гвардиола «Барселона»нинг ўтган мавсумдаги натижалари ҳақида фикр билдирди.
Ханс-Дитер Флик шогирдлари кетма-кет иккинчи бор Испания чемпионига айланишди, бироқ Чемпионлар Лигасида муваффақият қозона олишмади. «Кўк-анорранглилар» мазкур турнирнинг чорак финалида Мадриднинг «Атлетико» клубига имкониятни бой бериб, мусобақани тарк этишди.
«Чемпионлар Лигаси лойиҳаларни барбод қилади, умид қиламанки, улар билан бундай бўлмайди. Бу мусобақада ғолиб чиқа олишмагани сабабли хатоларга йўл қўйилмаса бўлди. ЕЧЛ финалига чиқа олишмагани ёки унда ғалаба қозонишмагани учун мавсумни муваффақиятсиз деб ҳисоблашмасин», — дея мураббийнинг сўзларини келтиради Diario Sport нашри.
Эслатиб ўтамиз, Каталония клуби сўнгги бор 2015 йилда Чемпионлар Лигаси кубогини қўлга киритган эди. Ўшанда Испания жамоаси финалда «Ювентус»дан устун келган.
