Yevropa chempionlar ligasi nimchorak final bosqichi doirasida «Pari Sen-Jermen» o‘z uyida Dortmundning «Borussiya»sini qabul qilib, ishonchli g‘alabani qo‘lga kiritdi.

Mezbonlar bahsning 28-daqiqasida hisobni ochishdi. Burchakdan yetkazilgan uzatmani Neymar bosh bilan raqib darvozasiga joylab qo‘ydi.

Birinchi bo‘limga qo‘shib berilgan daqiqada esa parijliklar hisobdagi farqni ikkitaga oshirishdi. Di Mariyaning uzatmasidan keyin Sarabiya o‘ng qanotdan jarima maydoniga kirdi va Bernat tomon yerlatib kuchli uzatma berdi. Xuan to‘p yo‘liga oyog‘ini qo‘ydi va to‘p olis burchakka borib tushdi.

Ikkinchi bo‘limda esa hisob o‘zgarmadi. Javob o‘yinida o‘ziga kerakli natijani qo‘lga kiritgan "PSJ" bo‘sh stadionda chorak finalga chiqqanini nishonladi.

Yevropa chempionlar ligasi, nimchorak final, javob o‘yini
"PARI SEN-JERMEN" - "BORUSSIYA DORTMUND" - 2:0 (2:0)
Gollar: 1:0 – 28 Neymar, 2:0 – 45 Bernat.
PSJ – Navas, Kerer, Kimpembe, Markinyos, Bernat, Paredes (Kuassi, 90), Di Mariya (Kurzava, 79), Sarabiya (Mbappe, 64), Guye, Neymar, Kavani.
Borussiya D – Byurki, Xummels, Pishchek, Zagadu, Xakimi (Getse, 87), Emre Jan, Gerreyru, Sancho, Vitsel (Reyna, 71), Azar (Brandt, 69), Xoland.
Ogohlantirishlar: Xoland (16), Xummels (61), Bernat (68), Neymar (90), Di Mariya (90), Markinyos (90), Mbappe (90).
Chetlatish: Emre Jan (89).
Dastlabki o‘yin – 1:2.