La Liga prezidenti Xavyer Tebas koronavirus tufayli to‘xtab qolgan Yevropa chempionatlari qachon boshlanishi haqidagi savolga javob berdi.

– La liga qachon boshlanishi mumkin?
– Yevropaning barcha ligalari may oyi o‘rtalarida boshlanishi rejalashtirilmoqda. Shuningdek, bu pandemiya bilan bog‘liq vaziyatning qanchalik rivojlanishiga bog‘liq. Balki, ligalar ertaroq boshlanar. Bu muddat — hozircha reja.

– Uchrashuvlar muxlislarsiz o‘tadimi?
– Bu har bir mamlakatning sog‘liqni saqlash organiga bog‘liq.

– Yevropa chempionlar ligasi va Yevropa ligasi haqida nima deya olasiz?
– Bu turnirlar haqida ham shu fikrni aytaman. Chunki, barcha musobaqalar bir vaqtda boshlanishi kutilmoqda. Biz barchaga mos keladigan reja ishlab chiqyapmiz. Bu masalani faqatgina Ispaniya uchun hal qilib bo‘lmaydi.