«Breshiya» prezidenti Massimo Chellino mavsumni yakunlab qo‘yish haqida qaror qabul qilinsa, jamoani maydonga tushirmasligini aytib o‘tdi.

«Ushbu mavsumdan boshqa ma’no qolmadi. Uchrashuvlarni muxlislarsiz o‘tkazishga to‘g‘ri keladi yoki o‘yinchilarning sog‘lig‘iga tavakkal ish bo‘ladi. Chempionatni qayta davom ettirish — bu shunchaki ahmoqlik. Agar bizni majbur qilishsa, men jamoani maydonga tushirmayman. Har bir o‘yinda 0:3 hisobida mag‘lubiyatga uchraymiz», — dedi Chellino "La Gazzetta dello Sport" nashriga bergan intervyusida.

«Meni A seriyadan tushib ketish masalasi qiziqtirmaydi. Hozircha pastga tushib ketishga munosib bo‘lib turibmiz, bunda mening ham aybim bor. Mavsumni davom ettirish uchun barcha qoidalarni — o‘yinchilarning shartnomalari, byudjetlar, banklar bilan hisob-kitoblar, transfer bozori, tayyorgarlik, yangi mavsumning boshlanishi kabi ishlarga o‘zgartirish kiritishimiz kerak. Mutlaqo tartibsizlik», — dedi Chellino.

«UYEFA rahbarlari takabbur va mas’uliyatsiz. Ular faqat o‘zlarining iqtisodiy manfaatlari va musobaqalari haqida o‘ylashadi. Ammo A seriya taqdirini UYEFA emas, Italiya hal qiladi. Har ikki kunda bitta o‘yin? Nima UYEFA sutkani 72 soatga uzaytira oladimi?» — deya qo‘shimcha qildi «Breshiya» prezidenti.

Ma’lumot o‘rnida. "Breshiya" A seriyaning 26-turidan keyin 16 ochko bilan jadvalda eng so‘nggi pog‘onani egallab turibdi.