Sports.ru tomonidan Megafon homiyligida o‘tkazilayotgan "Eng tez liga"da navbatdagi uchrashuvlar o‘tkazildi.
RPL klublaridagi futbolchilar qo‘llariga joystiklarni olgan holda to‘xtab qolgan 23-turdan mavsumni PES (Pro Evolution Soccer)da davom ettirishmoqda.
"Rostov" hujumchisi Eldor Shomurodov bugun "Zenit" hujumchisi Artyom Dzyubaga qarshi bahs olib bordi. Afsuski, hamyurtimiz raqibiga yirik hisobda (0:4) imkoniyatni boy berdi. O‘yindan keyin Artem Dzyuba quyidagi fikrlarni bildirib o‘tdi.
“Qiziqarli o‘yin. Shomurodov ochiq futbol taklif qildi, qiziqarli tarzda kombinasiyalar qilishga harakat qildi. U juda ko‘p yondashuvlarga ega edi. Ammo “Zenit” himoyachilari ajoyib o‘yin ko‘rsatishdi. Butun o‘yin davomida Shomurodov bir marta darvozaga aniq zarba yo‘lladi.
Menimcha, “Zenit” yana ko‘p gol urishi mumkin edi. Biroq faqat g‘alaba qozonishni xohladik. Dzyuba Shomurodovdan ko‘p gol urishi kerak degan vazifa yo‘q edi. “Zenit”da kim qulay vaziyatda bo‘lsa, u to‘pni qabul qilib oladi.
O‘yin oxirlarida yoshlarga ikoniyat berdim. Maydonga Shamkin va Bachinskogoni tushirdim. Musayev qaydnomada yo‘q edi, bo‘lmasa uni ham tushirardim”, -deydi Dzyuba.
