“Real Sosyedad” 14 apreldan mashg‘ulotlarni boshlashi mumkin, deya yozmoqda AS.

Manbaning xabariga ko‘ra, futbolchilar Subyetedagi qarorgohda mashg‘ulotlarni o‘tashadi va barcha ehtiyot choralarni ko‘rishadi.

Futbolchlar 2-3 kishiga bo‘lingan holda har xil maydonlarda mashg‘ulot o‘tashadi. Shuningdek, ular boshqa-boshqa kiyinish xonalaridan foydalanishadi.

Ta’kidlab o‘tish joizki, “Real Sosyedad” mashg‘ulotlarni qayta boshlagan ilk La Liga klubi bo‘ladi.

Ma’luomt uchun, ayni damda Ispaniyada Covid-19 bilan zararlanganlar soni 161 883 nafardan oshib ketdi. Vafot etganlar esa 16 480dan ziyod.