Jahon bo‘ylab koronavirus pandemiyasi tarqalgani uchun mart va iyun oyidagi FIFA kunlari bekor qilinganidan xabaringiz bor. FIFA vise-prezidenti Montalyani tarqatgan xabarga ko‘ra, kuz faslidagi terma jamoalar ishtirokidagi o‘yinlar taqdiri so‘roq ostida qolmoqda.

«Bizning asosiy maqsadimiz — milliy chempionatlar. Terma jamoalarning sentyabrdagi o‘yinlari hamon rejalashtirilgan, ammo keyinchalik nima bo‘lishini hozirdan aytish qiyin. Mamlakatlar chegaralarini kesib o‘tishda muammolarga to‘qnash kelishimiz mumkinligini istisno qilmayman. Nazarimda, 2021 yilning mart oyiga kelib barchasi joyiga tushadi va terma jamoalar o‘ynashda davom etadi», – dedi Montalyani.

Eslatib o‘tamiz, Osiyo mintaqasida JCH-2022 saralashining 2-bosqichi, rejaga ko‘ra, iyun oyida yakuniga yetib, sentyabr oyida uchinchi bosqich start olishi kerak edi. Endi saralash turniri taqvimiga o‘zgartirish kiritiladi.