O‘zbekiston Superligasi 5-turidan o‘rin olgan «Lokomotiv» va «So‘g‘diyona» jamoalari o‘rtasidagi bahsdan keyin jizzaxliklar bosh murabbiyi Ulug‘bek Baqoyev o‘yin haqidagi fikrlarini bildirib o‘tdi:
«Lokomotiv» klubi Superligadagi eng yaxshi tarkibga ega jamoalardan biri. Undan tashqari, ular mamlakat vise-chempioni hisoblanishadi. Jiddiy tayyorgarlik ko‘rdik. Qiyin o‘yin bo‘lishini bilgan edik va kutganimizdek bahs bo‘lib o‘tdi.
Biz har bir jamoani hurmat qilamiz. Ularning statusidan qat’iy nazar har bir uchrashuvga maksimal ravishda tayyorgarlik ko‘ramiz.
Bu – futbol. Agar barcha futbolchilar o‘zlariga yuklangan vazifani 100 foiz to‘g‘ri bajarishsa, istalgan jamoani mag‘lub etish mumkin.
Biz har bir uchrashuvga g‘alaba uchun maydonga tushamiz. Mening oldimga ham aynan shu vazifa qo‘yilgan. Mavsum yakunida ko‘rsatgan o‘yinimizga mos bo‘lgan pog‘onani egallaymiz", - dedi Baqoyev.
