Italiyaning «Napoli» klubi himoyachisi Kulidu Kulibali «Manchester Siti» klubi tomonidan bo‘layotgan qiziqishlarga o‘z munosabatini bildirdi.
«Men Neapol shahrida besh yildan beri yashab kelyapman va bu yerda baxtli ekanligimni bemalol ayta olaman. Mening oilam baxtiyor. Har yili chempionatda g‘oliblik uchun kurash olib boryapmiz. Muxlislarimiz hamisha bizni qo‘llab-quvvatlab turishadi».
Eslatib o‘tamiz, Kulibaliga «shaharliklar»dan tashqari «Manchester Yunayted» klubi ham qiziqish bildirayotgandi.
