Ispaniyaning «Valensiya» klubi sardori Dani Parexo faoliyatini «Vilyarreal» klubida davom ettirishi mumkin deya xabar bermoqda superdeporte.es sayti.
Yarim himoyachi o‘ziga «Vilyarreal» klubidan qiziqish bo‘layotganini biladi, lekin hozircha muzokaralarni boshlamadi. «Sariq suvosti kemalari» bosh murabbiyi Unai Emeri Parexoning jamoaga kelishiga shaxsan qiziqish bildirmoqda.
Avvalroq «Valensiya» Parexoni transferga qo‘yganligi haqida ma’lumot tarqatilgandi. Shu sababli, yarim himoyachi yillik maoshi 3 million yevrodan ortiq bo‘lgan takliflarni ko‘rib chiqishga rozi ekanligini bildirdi.
