Superliganing 10-turi doirasida bo‘lib o‘tgan "Qo‘qon-1912" - "Paxtakor" uchrashuvidan so‘ng toshkentliklar bosh murabbiyi Shota Arveladze o‘z fikrini bildirib o‘tdi.

"Birinchi navbatda shifokorlarimizga rahmat aytishni xohlardim. Bizda yoqimsiz bir yarim oycha bo‘ldi. Rahbariyatga ham rahmat. Tezlik bilan barchaning sog‘lig‘i uchun zarur sharoitlar yaratildi. Muxlislarni ham futbol qaytgani bilan tabriklayman. Jismoniy yaxshi holatga qaytish muhim. Kasallikni ba’zi yigitlar yengilroq, ba’zilari jiddiyroq o‘tkazdi. Chiroyli o‘yin ko‘rsatishga intildik. Futbolchilarga ham minnatdorchilik bildiraman.

Kimdir idishda suvni otganini ko‘rmadim. Bunga yo‘l qo‘yish kerak emas. Intizom va tartib asosiy o‘rinda bo‘lishi lozim. Nafaqat bizda, balki barcha jamoada.

Har uch kunda o‘ynash oson emas. Tiklanish va keyingi o‘yinlarda maydonga tushish kerak. Oldinda uch qiyin bahs kutmoqda. Bugun besh almashtirishni amalga oshirdim. Futbolchilar charchashi mumkin. Vaziyatdan chiqib ketishga harakat qilamiz. Bugun raqibda bir necha futbolchi maydonga tushmadi. Shu sababli testlarni ilgariroq yo‘lga qo‘yish lozim edi. Barcha insonlarga bu kasallikdan sog‘ayishlari va odatiy hayotga qaytishlarini tilayman", — dedi Arveladze.