Coca Cola Superliga 12-turidan o‘rin olgan "Qizilqum" - "So‘g‘diyona" (1:1) uchrashuvidan keyin mehmonlar bosh murabbiyi Ulug‘bek Baqoyev jurnalistlarning savollariga javob qaytardi.

"Qiziqarli va hayajonlarga boy o‘yin bo‘ldi. Stadiondagi xodimlarga va televizor orqali tomosha qilgan muxlislarga o‘yin yoqdi, deb o‘ylayman. Shaxsan o‘zimga bahs manzur keldi. Buning uchun futbolchilarimga rahmat aytaman.

Har bir jamoa maydonga chiqishdan oldin raqibini o‘rganadi. Kuchli va kuchsiz tomonlarini tahlil qiladi. "Qizilqum"ni ham o‘yinini ko‘rib chiqqandik. Raqib ham bizni o‘rgangani tabiiy. Jasur Hasanovni zaxirada qolishi uning jismoniy holati bilan bog‘liq. U to‘qqiz kun ichida uchta uchrashuvda maydonga tushdi. Har bir uchrashuvda rotasiyalarni amalga oshirmoqdamiz. Bir qator vaziyatlardan foydalana olmadik. Nima ham derdim bu — futbol.

Elyor Orifov o‘yindan oldinga chigalyozdi mashg‘ulotlar vaqtida qanday jarohat olganini ko‘rmay qoldim. Barchasini tibbiy ko‘rikdan o‘tganidan keyin bilamiz. Umid qilamanki, ikki haftalarda safga qaytadi.

Transferlar oynasi vaqtida jamoani kuchaytirishni istagandik. Lekin, to‘g‘risi hozir qo‘l ostimda ham kuchli futbolchilar jamlangan. Shu tarkibni saqlab qolib yoshlarni jalb qilamiz.

Nima uchun ikkinchi restartdan keyin natijalarimiz pasayib ketdi? Majburiy tanaffusda o‘yin ritmini yo‘qotib qo‘ydik deb o‘ylayman. "Nasaf"ga mag‘lub bo‘ldik, "Bunyodkor" bilan 3:3 durang o‘ynadik. O‘yidan-o‘yinga kuchayib boramiz. Yigitlarga yana bir bor rahmat aytaman", — dedi Ulug‘bek Baqoyev.