«Yuventus» darvozaboni Janluiji Buffon Italiya chempionatida tarixiy rekord o‘rnatdi.

Opta’ning yozishicha, Janluiji Buffon uchun «Krotone»ga qarshi o‘yin A Seriyadagi 650-uchrashuv bo‘lgan. Shu tariqa Buffon bunday natijani qayd etgan birinchi futbolchiga aylangan.

Qayd etilishicha, Buffonning «Krotone» bilan o‘yinni boshlagan 10 jamoadoshidan 7 nafari Janluiji Italiya chempionatida debyut qilganida (1995 yilning noyabr oyi) hali tug‘ilmagan bo‘lgan.

Ma’lumot uchun, Buffon faoliyatini «Parma»da boshlagan, 2001 yilda esa uni Turin klubi o‘z safiga qo‘shib oladi. 2018 yilning 6 iyulida PSJga o‘tadi, biroq bir yildan so‘ng aniqrog‘i, 2019 yilning 6 iyulida qadrdon jamoasiga qaytadi.

Umuman, Buffon faoliyatida 917 uchrashuv o‘tkazib, ularda 766 ta gol o‘tkazib yuborgan. 410 uchrashuvda esa o‘z darvozasi daxlsizligini saqlab qola olgan.