Italiyaning «Inter» klubi himoyachisi Eshli Yang YECHL doirasida «Shaxter» (0:0) klubiga qarshi bo‘lib o‘tgan uchrashuv haqidagi fikrlari bilan o‘rtoqlashdi.
«Asosiysi gol o‘tkazib yubormadik. Biroq, o‘yinni nazorat qilganimizni hisobga oladigan bo‘lsak, uyimizga uch ochko bilan qaytmayotganimizdan xafamiz. Endi keyingi o‘yin haqida o‘ylashni boshlaymiz.
Bizning guruh juda qiyin, albatta, bu Chempionlar Ligasi. Keyingi o‘yinlarda ham ochkolarni jamg‘arishimiz kerak va ehtimol bugungi durang yakunda biz uchun ijobiy natija berar.
«Real»ga qarshi bahs ham boshqa o‘yinlardek qiyin bo‘ladi. Ammo, bugungidek o‘yin namoyish etadigan bo‘lsak, u holda "Real"dan ochko olamiz», – dedi Yang.
