Avstriyaning «Zalsburg» klubi bosh murabbiyi Jessi Marsh YECHLning 3-tur doirasida Myunxenning "Bavariya"ga qarshi bo‘lib o‘tadigan uchrashuv haqidagi fikrlari bilan o‘rtoqlashdi.
«Bavariya» futbolchilari o‘tgan mavsum ajoyib yutuqni qo‘lga kiritishdi, shuningdek, ularda jamoaviy ruh ajoyib. Bu «Bavariya»ning muvaffaqiyat kalitidir. So‘nggi yillarda ularning qo‘lga kiritgan yutuqlari - ularning qanday kuchga ega ekanligini aytib turibdi. Bo‘lajak o‘yinda o‘zimizni ularning fonida sinab ko‘rish imkoniyatiga egamiz. Bizda jiddiy sinov kutib turibdi.
Ammo, mening fikrimcha, jamoamiz istalgan raqib bilan o‘yinda ochkoni qo‘lga kiritish imkoniyatiga ega. Afsuski, muxlislar ushbu bahsni stadionda bevosita tomosha qila olishmaydi. Ammo, shunday sharoitda ham biz bor kuchimizni ishga solamiz. Maydonda o‘z ishtiyoqimizni namoyish qilamiz», — dedi Jessi Marsh.
