Londonning «Chelsi» klubi bosh murabbiyi Frenk Lempard jamoa yarim himoyachisi Kristian Pulishichning salomatligi haqida fikr bildirdi.

22 yoshli futbolchi bugun APL doirasida «Sheffild Yunayted» klubiga qarshi uchrashuvni jarohat sababli o‘tkazib yuboradi.

«Pulishich bugun o‘ynay olmaydi. Uning tizzasi bezovta qilmoqda, shu sababli mashg‘ulotlarda ham ishtirok etmayapti.

Hafta o‘rtalarida u mashg‘ulotlarda qatnashgandi, biroq, o‘zini noqulay his qildi», – dedi Lempard.

Shuningdek, koronavirusga chalingan Kay Xavers ham bugungi uchrashuvni o‘tkazib yuboradi. Lempardning so‘zlariga qaraganda Kayda kasallik alomatlari yo‘qolish kerak va test natijasi salbiy chiqqandagina jamoa mashg‘ulotlariga qo‘shiladi.

Yelkasidan jarohat olib o‘yinlarni o‘tkazib yuborgan darvozabon Kepa Arrisabalaga esa jamoa mashg‘ulotlariga qaytdi.