Лондоннинг «Челси» клуби бош мураббийи Фрэнк Лэмпард жамоа ярим ҳимоячиси Кристиан Пулишичнинг саломатлиги ҳақида фикр билдирди.
22 ёшли футболчи бугун АПЛ доирасида «Шеффилд Юнайтед» клубига қарши учрашувни жароҳат сабабли ўтказиб юборади.
«Пулишич бугун ўйнай олмайди. Унинг тиззаси безовта қилмоқда, шу сабабли машғулотларда ҳам иштирок этмаяпти.
Ҳафта ўрталарида у машғулотларда қатнашганди, бироқ, ўзини ноқулай ҳис қилди», – деди Лэмпард.
Шунингдек, коронавирусга чалинган Кай Хаверц ҳам бугунги учрашувни ўтказиб юборади. Лэмпарднинг сўзларига қараганда Кайда касаллик аломатлари йўқолиш керак ва тест натижаси салбий чиққандагина жамоа машғулотларига қўшилади.
Елкасидан жароҳат олиб ўйинларни ўтказиб юборган дарвозабон Кепа Аррисабалага эса жамоа машғулотларига қайтди.
