"Атлетик" (Бильбао) марказий ҳимоячиси Эмерик Ляпорт "Барселона"га ўтиши эҳтимолдан йироқ.
Бильбао клуби 32 ёшли футболчини қўйиб юбориш ниятида эмас ва у учун 80 миллион евро сўрамоқда, деб хабар беради Diario AS нашри. "Барселона" тажрибали футболчини Жаҳон чемпионатидан кейин сотиб олишни кўриб чиққан, аммо улар бошқа йўл излашга мажбур бўлишлари мумкин.
Аввалроқ Эмерик Ляпортнинг "Атлетик" (Бильбао) билан шартномасидаги қўйиб юбориш банди 15 миллион евродан ошмаслиги ҳақида хабар берилган эди, аммо баск клуби буни рад этди.
Ляпорт ўтган ой Испания терма жамоаси билан Жаҳон чемпионатида ғолиб чиққан эди.
