Криштиану Роналду ва Жоржина Родригес ўз муносабатларини никоҳ билан мустаҳкамлашади. The Sun нашрининг хабар беришича, юлдузли жуфтликнинг тўйи келаётган шанба куни, 8 августда бўлиб ўтади. Роналду тўй марсимини ўзи улғайган Мадейра оролида ўтказади.
Никоҳ маросими Фуншал соборида бўлиб ўтади. Шундан сўнг байрам тадбири беш юлдузли меҳмонхонага кўчади.
«Меҳмонхона меҳмонларига жума ва шанба кунлари икки қават, шунингдек, бир нечта бар зоналари ёпиқ бўлиши ҳақида огоҳлантириш берилди», — дейди манба.
Криштиану Роналду ва Жоржина Родригес 2016 йилда танишишган ва орадан кўп ўтмай учраша бошлашган. Улар беш нафар фарзандни тарбиялашмоқда (улардан икки нафарини Жоржина дунёга келтирган).
