Madridning "Real" va "Portu" klublari sobiq darvozaboni Iker Kasilyas yuragidagi muammolar haqida fikr bildirdi.
"Portu"dagi yurak muammosi qanday kechgandi? Ko‘krak qafasimda qattiq og‘riqni his qilgandim, go‘yoki, bu kuch ko‘krak qafasimni ezgandek tuyulgandi. O‘sha kundan bir kun oldin mashg‘ulotlarda darvozaning bu ustunidan narigi ustunigacha sakragandim, keyingi kuni esa yotish joyimdan yuvinish xonasigacha bo‘lgan 8 metrlik masofani bosib o‘ta olmaganman", - Kasilyasning so‘zlaridan iqtibos keltirmoqda El Pais.
39 yoshli darvozabon "Real" tarkibida 1998 yildan 2015 yilgacha o‘ynadi, keyin esa "Portu" klubiga ko‘chib o‘tib, 2020 yilning fevral oyigacha to‘p surdi. 2019 yilning bahorida darvozabon mashg‘ulot paytida yurak hurujini boshdan o‘tkazgan, undan bir qancha oy o‘tib tiklanishga erishgandi.
