Мадриднинг "Реал" ва "Порту" клублари собиқ дарвозабони Икер Касильяс юрагидаги муаммолар ҳақида фикр билдирди.
"Порту"даги юрак муаммоси қандай кечганди? Кўкрак қафасимда қаттиқ оғриқни ҳис қилгандим, гўёки, бу куч кўкрак қафасимни эзгандек туюлганди. Ўша кундан бир кун олдин машғулотларда дарвозанинг бу устунидан нариги устунигача сакрагандим, кейинги куни эса ётиш жойимдан ювиниш хонасигача бўлган 8 метрлик масофани босиб ўта олмаганман", - Касильяснинг сўзларидан иқтибос келтирмоқда El Pais.
39 ёшли дарвозабон "Реал" таркибида 1998 йилдан 2015 йилгача ўйнади, кейин эса "Порту" клубига кўчиб ўтиб, 2020 йилнинг февраль ойигача тўп сурди. 2019 йилнинг баҳорида дарвозабон машғулот пайтида юрак ҳуружини бошдан ўтказган, ундан бир қанча ой ўтиб тикланишга эришганди.
