Нигериялик ҳужумчи Виктор Осимхен ўз клуби «Галатасарой»да 9-рақамни олишдан воз кечди. У ҳозирги 45-рақамида қолишни афзал кўрди. Бу ҳақда derbyderbyderby.it хабар бермоқда.
Гап шундаки, 45-рақам Осимхен учун алоҳида аҳамиятга эга — у 2018/2019 йилги мавсумда Бельгиянинг «Шарлеруа» клубида шу рақам остида тўп сурган ва айнан ўшанда илк бор ўзини кўрсатиб, тез орада Италиянинг «Наполи» клуби билан шартнома имзолаган эди. У ерда у тўрт йил ўтказди ва 2024 йилда А Серияни тарк этиб, Туркия Суперлигасига ўтди.
Эслатиб ўтамиз, Туркия чемпионатининг янги мавсуми бир ҳафтадан сўнг — 14 август куни бошланади.
