FIFA “The Best” sovrini uchun da’vogarlar ro‘yxatini e’lon qildi. Stadion.uz ortda qolgan mavsumdan kelib chiqib g‘oliblik uchun asosiy favorit bilan tanishtirib o‘tadi.
Virjil Van Deyk
Aslida, gollandiyalik himoyachi o‘tgan mavsumda «oltin to‘p»ga ega chiqishi lozim edi, biroq negadir uni Messiga topshirib yuborishdi. FIFAning bu safargisi sovrinini qo‘lga kiritish borasida unda deyarli imkon yo‘q. To‘g‘ri, «Liverpul» 30 yil deganda APL taxtiga chiqdi, ammo YECHLdagi omadsiz o‘yinlar bunga to‘sqinlik qilishi mumkin. Tan olish lozim, Virjilda sovrinni qo‘lga kiritish borasida hech qanday imkoniyat yo‘q.
Lionel Messi
O‘tgan mavsumda Kataloniya klubi yulduzi aytarli hech narsa namoyish eta olmadi. 11 oy davomida to‘p surgan futbolchi 25 ta gol (9 ta penaltidan) kiritdi. «Barsa» esa, kutilmaganda mavsumni sovrinsiz yakunlashga majbur bo‘ldi. Yevropa chempionlar ligasidagi natija haqida gapirmasa ham bo‘ladi.
Sadio Mane
APL chempionligi ortida «Liverpul»ning bir nechta futbolchilarining mehnatlari yotibdi. Shu bois, ushbu chempionlikni birgina futbolchining xizmatlari deb bo‘lmaydi. Bu esa, Yurgen Klopp shogirdlarining sovrinni qo‘lga kiritish imkoniyatini kamaytirib yubormoqda. Mane ajoyib inson, kuchli futbolchi, ammo “ The Best ” emas!
Muhammad Salah
Misrlik futbolchi hisobida 20 ta gol mavjud. O‘tgan mavsumda kiritilgan gollarning 6 tasi 11 metrlik zarba orqali hisobga yozib qo‘yilgan bo‘lsada, uni FIFA kuchli 11 futbolchidan biri deb ta’rifladi. Katta ehtimol bilan, u kuchli beshlikdan o‘rin egallashi mumkin.
Serxio Ramos
Ramos uchun ortda qolgan sermahsul keldi. Himoyachi bo‘lishiga qaramay, u o‘z hisobiga 13 ta gol yozdirib qo‘ydi. U «Real Madrid»ning Ispaniya chempionligini qo‘lga kiritishida juda katta rol ijro etdi, ammo bu natija bilan ro‘yxatdagi boshqa yigitlardan o‘zib ketish mushkul.
Neymar
Agar Yevropa Chempionlar Ligasida «Bavariya»ga qarshi bahsda gol kiritganida, Parij klubi chempion bo‘lganida qahramonimiz hozir birinchi raqamli da’vogar bo‘lar edi. Afsuski, finalda yengilganlari tarix doim unutib yuborgan. Katta ehtimol bilan bu safar ham an’anaga sodiq qolinadi.
Kilian Mbappe
Afsuski, juda erta mashhurlikni qo‘lga kiritgan Mbappe butun sayyoramizning eng kuchli futbolchiga aylana olmadi. U hatto o‘z klubida ham birinchi raqamli futbolchi emas. FIFA tomonidan eng kuchli deb topilishiga ishonish juda qiyin. Shunday bo‘lsada,ortda qolgan mavsumda u 26 gol + 14 ta assistni amalgam oshirdi. Bu natija e’tiborga molik.
Tyago Alkantara
Ispaniyalik futbolchi hozircha «Liverpul»da o‘zini to‘liq namoyish etganicha yo‘q. Bu ro‘yxatga uni «Bavariya» safidagi ishonchli o‘yinlari sababli joylashtirishdi. Yarim himoyachining bu ro‘yxatga kiritilishi bejiz emas. U o‘zining universalligi bilan barchani hayron qoldirdi va bu ishni muvaffaqiyatli davom ettirmoqda.
Krishtianu Ronaldu
Kuchli uchlikni Krishtianu Ronaldu ochib beradi. E’tiborlisi shundaki, Krish shu yoshda ham mavsum davomida 38 ta gol kiritishga muvaffaq bo‘ldi. Uning statistikasi barchani hayron qoldirishda davom etmoqda. Balki u sovringa ega chiqmas, ammo o‘z muxlislarini xursand qilishni uddaladi.
Kevin De Bryuyne
Belgiyalik futbolchi juda ishonchli mavsum o‘tkazdi. 19 ta assist va 7 ta gol. Boz ustiga, «Siti» ichki musobaqada Liga Kubogini qo‘lga kiritdi. Yarim himoyachi uchun ajoyib ko‘rsatgich Kevin sovrin uchun da’vogar, lekin imkoniyatlari u qadar katta emas.
Robert Levandovski
Robert katta ehtimol bilan birinchi o‘rinni egallaydi va sovrin unga topshiriladi. Boshqacha bo‘lishi ham mumkin emas. 45 ta gol va 11 ta assist! Dahshatli statistika uning asosiy quroli emas. Myunhen jamoasi Flik bilan birgalikda trebl qayd etishni uddaladi va yo‘lidan chiqqan barcha raqiblarni «sochib» tashladi. Agar ushbu sovrin undan boshqasiga topshirilsa, FIFA o‘z sovrini imijini keskin tushirib yuboradi. Shunday bo‘lsada, bu futbol va unda hamma narsa bo‘lishi mumkin.
