Angliyaning "Manchester Yunayted" klubi hujumchisi Markus Reshford "Vest Xem" (3:1) ustidan qo‘lga kiritilgan g‘alaba haqidagi fikrlari bilan o‘rtoqlashdi.
"Birinchi bo‘lib gol o‘tkazib yuborishni bas qilishimiz kerak. Agar o‘z darvozamizni "quruq" saqlasak, albatta ko‘plab o‘yinlarda g‘alaba qozonamiz. Iroda ko‘rsatganimiz yaxshi bo‘ldi, lekin gol o‘tkazib yubormasligimiz kerak. Mag‘lubiyatga uchrashni xohlamayman. Ba’zan murabbiyning aytganini emas, maydonda bo‘layotgan voqealarni ko‘rishimiz kerak. Jamoa nima qilish kerakligini bildi", - Reshfordning so‘zlaridan iqtibos keltirmoqda Sky Sports.
