Yevropa chempionlar ligasi guruh bosqichining 6-turidan o‘rin olgan «PSJ» va «Istanbul Bashakshehir» jamoalari o‘rtasidagi bahs kecha zaxira hakami tomonidan irqchilikka yo‘l qo‘yilgani uchun oxiriga yetmay qolgan edi.

Bahsning 14-daqiqasida to‘rtinchi hakam Sebastyanu Kolsesku istanbullikliklar yordamchi murabbiyi Pyera Veboni rumin tilida "negru" deb haqorat qildi. Mutaxassis hakamga e’tiroz bildirgani uchun bosh hakam Ovidiu Xasegan "Istanbul" murabbiyiga qizil kartochka ko‘rsatdi.

Shundan so‘ng muhokamayu munozaralar 9-10 daqiqa davom etdi. Shundan so‘ng uchrashuvning 23-daqiqasida avval "Istanbul", so‘ngra "PSJ" futbolchilari maydonni tark etishdi.

O‘yin bugun davom ettiriladi. Uchrashuvni esa boshqa hakamlar boshqarib borishadi. Niderlandiyalik Danni Makkeliga qanotlarda vatandoshi Mario Diks va polshalik Marsin Bonek yordam berishadi. To‘rtinchi hakam — Bartosh Frankovski (Polsha).

VAR tizimida italiyalik Marko Di Bello ishlaydi. Unga Maurisio Mariani assistentlik qiladi.

Uchrashuv Toshkent vaqti bilan 22:55da boshlanadi.