Londonning «Tottenxem» klubi «Lasio» yarim himoyachisi Sergey Milinkovich-Savichga qiziqish bildirmoqda, deya xabar tarqatmoqda La Nazione nashri.

Serbiyalik futbolchining transferi borasidagi muzokaralar yanvar oyida o‘tkazilishi kutilmoqda. Biroq, «Lasio» Milinkovich-Savichni 2021 yilning yozigacha sotish niyatida emas. «Tottenxem»dan tashqari, «burgutlar» futbolchisiga «Manchester Yunayted» klubi ham da’vogarlik qilmoqda.

Joriy mavsum Milinkovich-Savich 10 ta o‘yinda maydonga tushib, 3 ta gol kiritdi va 3 ta golga assistentlik qildi.