Portugaliyalik futbol agenti Paulu Barboza JCH-2026 doirasida Portugaliya terma jamoasining O‘zbekistonni mag‘lub eta olishiga ishonchi komil emasligini bildirdi.

Eslatib o‘tamiz, turnirdagi ilk uchrashuvda Roberto Martines shogirdlari Kongo bilan 1:1 hisobida durang o‘ynagan edi.

— Martines Bernardu Silvani o‘ng insayd pozisiyasida o‘ynatib xatoga yo‘l qo‘ydimi?
— Ha, shunday ko‘rinadi. Bernardu Silva hozir eng yaxshi holatida emas. Og‘ir mavsum o‘z ta’sirini ko‘rsatmoqda. Boshqa variantlar ham bor.

— Vitinyadan ko‘proq narsa kutilgandi?
— U nima ham qila olardi? Uning oldida faqat yon tomonga yoki orqaga uzatma berish imkoni bo‘ldi. Oldingi chiziqda Krishtianu Ronaldu o‘zini kerakli darajada taklif qilmadi, harakatlanmadi va chuqurlikdan kelgan uzatmalarga javob qaytara olmadi.

— Zaxiradan tushgan Rafael Leauning o‘yini qanday taassurot qoldirdi?
— Hozircha u ham yaxshi formada emas. Biroq u o‘yin taqdirini hal qilib yubora oladigan, farq yaratadigan futbolchi.

— Ikkinchi turda Portugaliyaning O‘zbekistonni mag‘lub etishiga ishonchingiz komilmi?
— Kechagi o‘yindan kelib chiqib aytsam, yo‘q. Men O‘zbekistonning Kolumbiyaga qarshi bahsini ko‘rdim. Menimcha, O‘zbekiston Kongodan kuchliroq. Kolumbiya haqida esa gapirmasa ham bo‘ladi. Biz uchun juda qiyin bo‘ladi. Jamoa tarkibi va ayniqsa hujumdagi o‘yinni zudlik bilan o‘zgartirish kerak, — dedi Barboza.

Ma’lumot uchun, Portugaliya — O‘zbekiston uchrashuvi 23 iyun kuni bo‘lib o‘tadi. Guruh bosqichining so‘nggi turida portugaliyaliklar Kolumbiyaga qarshi maydonga tushadi.