Angliyaning "Lids" klubi hujumchisi Patrik Bemford klubning rasmiy saytiga bergan intervyusi chog‘ida, jamoa bosh murabbiyi Marselo Byelsa Rojdestvo bayramida klub xodimlari orasida lotoreya o‘ynatishga qaror qildi va yutuqqa avtomobil qo‘yganini aytib o‘tdi. Bu haqda L’Équipe nashri xabar tarqatmoqda.
Ushbu lotoreyada futbolchilar va murabbiylar shtabi ishtirok etmadi. Faqatgina qarorgoh xodimlari (bog‘bon, oshpaz, kir yuvuvchi va hokazolar) qatnashdi.
"Marselo barchani umumiy ishning bir qismi ekanligini his qilishini xohlaydi. Futbolchi va murabbiylar har doim oldi qatorda turadi, lekin ularning ortida yetarlicha ko‘p odamlar mehnat qiladi, — deydi Bemford.
"Men bunday hodislar haqida avvallari umuman eshitmaganman, shuning uchun bu haqda eshitganimda hayron qoldim va albatta xursand bo‘ldim. O‘tgan yilgi mavsumda bir odamli xodidimiz avtomobil yutib olgandi. Bu Volkswagen Golf yoki FIAT edi. Bu avtomobilni murabbiyning o‘zi sotib oldimi yoki yo‘qmi, buni bilmayman, lekin lotoreyani u tashkil qilganini bilaman. Lekin nima bo‘lgan taqdirda ham Byelsa hammani birdek yaxshi ko‘radi" - Angliya terma jamoasi hujumchisi.
