Англиянинг "Лидс" клуби ҳужумчиси Патрик Бэмфорд клубнинг расмий сайтига берган интервьюси чоғида, жамоа бош мураббийи Марсело Бьелса Рождество байрамида клуб ходимлари орасида лоторея ўйнатишга қарор қилди ва ютуққа автомобил қўйганини айтиб ўтди. Бу ҳақда L’Équipe нашри хабар тарқатмоқда.
Ушбу лотореяда футболчилар ва мураббийлар штаби иштирок этмади. Фақатгина қароргоҳ ходимлари (боғбон, ошпаз, кир ювувчи ва ҳоказолар) қатнашди.
"Марсело барчани умумий ишнинг бир қисми эканлигини ҳис қилишини хоҳлайди. Футболчи ва мураббийлар ҳар доим олди қаторда туради, лекин уларнинг ортида етарлича кўп одамлар меҳнат қилади, — дейди Бэмфорд.
"Мен бундай ҳодислар ҳақида авваллари умуман эшитмаганман, шунинг учун бу ҳақда эшитганимда ҳайрон қолдим ва албатта хурсанд бўлдим. Ўтган йилги мавсумда бир одамли ходидимиз автомобил ютиб олганди. Бу Volkswagen Golf ёки FIAT эди. Бу автомобилни мураббийнинг ўзи сотиб олдими ёки йўқми, буни билмайман, лекин лотореяни у ташкил қилганини биламан. Лекин нима бўлган тақдирда ҳам Бьелса ҳаммани бирдек яхши кўради" - Англия терма жамоаси ҳужумчиси.
