Жозе Моуриньо агар Мадриднинг «Реал» клубига қайтадиган бўлса, жамоа таркибида кенг кўламли ўзгаришларни амалга оширади. Бу ҳақда Marca хабар бермоқда.
Манбага кўра, Моуриньо, бошқа масалалар қатори, раҳбариятдан Федерико Вальверде ва Орельен Тчуамени борасида қатъий қарор қабул қилишни талаб қилади.
Аввалроқ ушбу икки ярим ҳимоячи ўртасида можаро келиб чиққан ва бу жамоа ичида нотинчликни келтириб чиқарганди.
Юз берган воқеадан сўнг, Моуриньода ҳар икки футболчини бир вақтнинг ўзида таркибда олиб қолиш истаги йўқ. Вальверденинг мухлислар ўртасидаги машҳурлиги ва универсаллигига қарамай, айнан Тчуамени португалиялик мутахассис учун кўпроқ мос вариант деб ҳисобланмоқда. Француз футболчиси ўз позицион интизоми ва таянч зонасидаги ўйини билан мураббий талабларига кўпроқ жавоб беради.
