"Депортиво" футболчиси Адама Траоре Испания Ла Лигасининг 4-турида "Вильярреал"га қарши ўйинда ғаройиб автогол муаллифига айланди.
30 ёшли футболчи 66-дақиқада захирадан майдонга тушди. Орадан ўн дақиқа ўтиб, у рақибнинг ўнг қанотдан оширган тўпини бош билан узоқлаштиришга ҳаракат қилди. Бироқ зарба шу қадар кучли ва аниқ чиқдики, тўп ўз дарвозаси томон йўналиб, голкипер Лео Роман устидан тўрга бориб тушди. Натижада "Вильярреал" 2:1 ҳисобида олдинга чиқди.
Қизиғи, бу Траоренинг "Депортиво" сафидаги дебют учрашуви эди. Шунга қарамай, унинг хатоси жамоасига қимматга тушмади: уч дақиқадан кейин Закария Эддахчури ҳисобни тенглаштирди, 88-дақиқада эса Пьер-Эмерик Обамеянг ғалаба голини урди — 3:2.
