"ПСЖ" ярим ҳимоячиси Дро Фернандес "Барселона"ни тарк этиб, Париж клубига ўтиш қарори ҳақида фикр билдирди.
Журналист футболчидан январь ойида кўпроқ ўйин амалиётига эга бўлиш ва ривожланиш мақсадида "Барселона"дан кетгани, аммо ҳозир "ПСЖ"да ҳам захирада қолаётганини эслатиб, ўша қарор хато бўлган-бўлмаганини сўради.
"Билмайман... Балким.
Ўша пайтда бу фаолиятим учун тўғри қарор деб ҳисоблагандим. Кўпроқ ўйнашни ва ривожланишни истадим. Аммо футбол ҳар доим ҳам сен тасаввур қилгандек кечавермайди. Энди мен фақат ишлашда давом этишим ва кейин нима бўлишини кузатишим мумкин", — деган Дро.
18 ёшли футболчи 2026 йил январда "Барселона"дан "ПСЖ"га ўтган. Парижликлар унинг трансфери учун 8 миллион евродан ортиқ маблағ тўлагани хабар қилинган. Ўтиш вақтида Дро "ПСЖ"ни футболчи сифатида ривожланиши учун энг яхши жой деб ҳисоблашини айтган эди.
