«Ан-Наср» Саудия Арабистони чемпионатининг жорий мавсумидаги илк мағлубиятини қабул қилиб олди. Анге Постекоглу жамоаси 5-тур доирасида сафарда «Ал-Иттиҳод»га 1:2 ҳисобида ютқазди.
Учрашувдан кейин «Ан-Наср» ҳужумчиси Жоау Феликс журналистларга интервью беришдан бош тортди. Бироқ уларнинг олдидан ўтиб кетаётиб, кескин фикр билдирди.
«Мен сизлар билан гаплашмайман. Чунки фикримни айтсам, бу лигани фош қилиб қўяман», — дея португалиялик футболчининг сўзларини Al Nassr Zone келтирмоқда.
«Ан-Наср» 12 очко билан Саудия Арабистони чемпионати турнир жадвалида 2-ўринни эгаллаб турибди.
Пешқадам «Ал-Ҳилол» эса ҳозирча очко йўқотмади ва 15 имкониятдан 15 очко жамғарган.
