«Барселона»нинг ўнг қанот ҳимоячиси Жюль Кунденинг жамоадан кетиши мумкинлиги ҳақидаги миш-мишлар кучайиб бормоқда. «Кўк-анорранглилар» устози Ханс-Дитер Флик франциялик футболчининг жамоа учун қай даражада муҳимлигига шубҳа билан қарай бошлади – ҳимоянинг ўнг қанотида бошқа футболчилар кўпроқ майдонга тушмоқда.

Журналист Альфредо Мартинеснинг хабар беришича, аввалги мавсумлардаги барқарор ўйинига қарамай, 27 ёшли футболчи ёзги трансферлар вақтида сотилиш бўйича асосий номзодга айланиши мумкин, чунки унга инглиз клублари томонидан жиддий қизиқиш билдирилмоқда. Агар каталонияликлар Жоау Канселуни жамоада сақлаб қолишга муваффақ бўлса, Кунденинг кетиш эҳтимоли янада ортади.

Transfermarkt портали маълумотларига кўра, Жюль Кунденинг трансфер қиймати 65 миллион еврони ташкил қилади.