Сўнгги ҳафталарда матбуот ҳужумчи Жоао Педрони «Барселона» билан фаол боғламоқда. Бироқ, «Челси» бразилиялик футболчини сотишга тайёр эмас.
Журналист Бен Жейкобс ижтимоий тармоқларда хабар беришича, ҳеч қандай таклиф «Челси»нинг бу борадаги қарорини ўзгартира олмайди. Лондонликлар ҳатто рекорд даражадаги таклиф келиб тушган тақдирда ҳам бразилиялик футболчини сотмайди.
24 ёшли Жоао Педро 75 миллион еврога баҳоланмоқда. Ҳужумчининг «Челси» билан шартномаси 2033 йилнинг ўрталаригача амал қилади.
Футбол оламидаги энг рекорд трансфер Неймарнинг «Барселона»дан «ПСЖ»га ўтиши бўлиб қолмоқда. Франция чемпионати гранди 2017 йилда бразилиялик футболчини 222 миллион еврога сотиб олган эди.
