Мадриднинг «Атлетико» клуби ҳужумчиси Хулиан Альвареснинг келажаги сўроқ остида қолмоқда. Журналист Гастон Эдульнинг маълумотларига кўра, бир қатор жамоалар аргентиналик футболчини ўз сафига қўшиб олишдан манфаатдор, бироқ фақат «ПСЖ»гина ҳужумчи трансфери бўйича музокараларда олдинга силжиган. Париж клуби футболчининг атрофидагиларга «Атлетико»нинг молиявий талабларини қондиришга тайёр эканликларини маълум қилган.
Хулиан Альварес 2024 йилда 75 миллион евро эвазига «Манчестер Сити»дан «Атлетико»га ўтган эди. Унинг мадридликлар билан тузган шартномаси 2030 йилнинг 30 июнига қадар амал қилади. Жорий мавсумда ҳужумчи Мадрид клуби сафида барча турнирларда 49 та ўйин ўтказиб, 20 та гол урди ва 9 та голли узатмани амалга оширди.
