Angliyaning "Liverpul" klubi bosh murabbiyi Yurgen Klopp YECHL doirasida "Midtyullan" klubiga qarshi o‘yinda nima uchun sardorlik bog‘ichini 22 yoshli Trent Aleksander-Arnoldga berganini izohlab berdi.

"Men sardorlik bog‘ichini muhimligini his qilmayman. To‘g‘ri, "Liverpul"da Jordan Xenderson kabi tajribali futbolchi muhim. Lekin, baribir sardorlik bog‘ichi hech narsani hal qilmaydi.

"Liverpul"da aniq bir qonun bor — sardorlik bog‘ichini klubda uzoq muddat o‘ynayotgan oladi. Agar Xenderson o‘ynamayotgan bo‘lsa, u holda Milner sardor bo‘ladi. Agar Milner bo‘lmasa van Deyk yoki Veynaldum taqadi. Trent nima uchun sardorlik bog‘ichini olganini sababi, u jamoa uzoq vaqtdan beri faoliyat ko‘rsatib kelmoqda. U nafaqat professional faoliyatida, balki yoshlar tarkibida ham uzoq yillar o‘ynagan.

"Salohning xafa bo‘lganini ko‘rdim. U bilan gaplashib oldim va birinchi marta bu ish bermadi. Keyin u bilan yana bir marta suhbatlashdim va o‘zimning qoidam va pozisiyamni tushuntirib qo‘ydim", — Kloppning so‘zlaridan iqtibos keltirmoqda Goal portali.