Англиянинг "Ливерпуль" клуби бош мураббийи Юрген Клопп ЕЧЛ доирасида "Мидтюллан" клубига қарши ўйинда нима учун сардорлик боғичини 22 ёшли Трент Александер-Арнольдга берганини изоҳлаб берди.

"Мен сардорлик боғичини муҳимлигини ҳис қилмайман. Тўғри, "Ливерпул"да Жордан Хендерсон каби тажрибали футболчи муҳим. Лекин, барибир сардорлик боғичи ҳеч нарсани ҳал қилмайди.

"Ливерпул"да аниқ бир қонун бор — сардорлик боғичини клубда узоқ муддат ўйнаётган олади. Агар Хендерсон ўйнамаётган бўлса, у ҳолда Милнер сардор бўлади. Агар Милнер бўлмаса ван Дейк ёки Вейналдум тақади. Трент нима учун сардорлик боғичини олганини сабаби, у жамоа узоқ вақтдан бери фаолият кўрсатиб келмоқда. У нафақат профессионал фаолиятида, балки ёшлар таркибида ҳам узоқ йиллар ўйнаган.

"Салоҳнинг хафа бўлганини кўрдим. У билан гаплашиб олдим ва биринчи марта бу иш бермади. Кейин у билан яна бир марта суҳбатлашдим ва ўзимнинг қоидам ва позициямни тушунтириб қўйдим", — Клоппнинг сўзларидан иқтибос келтирмоқда Goal портали.