«Барселона» устози Ханс-Дитер Флик якунланган мавсумда ҳимоячи Жерар Мартиннинг муваффақиятларини алоҳида қайд этди. Авваллари мудофаанинг чап қанотида ўйнаган 24 ёшли футболчи марказий ҳимоячи сифатида қайта шакллаланди ва янги позицияда ўзини кўрсата олди.
«Мартиннинг ўсиши шунчаки ақл бовар қилмас даражада. Дублда ўйнашдан асосий жамоанинг бошланғич таркибигача бўлган йўлни босиб ўтиш — бу ҳайратланарли. Биз барча футболчиларимизда айнан шундай иштиёқни кўришни хоҳлаймиз. Жерар буларнинг барчасига лойиқ эди», — дея Фликнинг сўзларини The Touchline нашри келтиради.
«Кўк-анорранглилар» Ла Лигада Мадриднинг «Реал» клубини саккиз очкога ортда қолдириб, мавсумни биринчи ўринда якунлашди. Сўнгги турда каталонияликлар «Валенсия»га имкониятни бой беришди (1:3).
