Turinning «Yuventus» hujumchisi Krishtianu Ronaldu va uning sevgilisi Jordjina Rodrigeslar karantin qoidalarini buzishdi.

Corriere dello Sport nashrining tarqatgan ma’lumotiga qaraganda, juftlik karatin kuchaytirilgan Pyemontdagi Valle-d’Aosta chegarasini buzib o‘tishgan. Ronaldu 27 yoshli sevgilisining tug‘ilgan kunini nisholash uchun chang‘i kurortiga borishgan edi.

Qayd etilishicha, ushbu juftlik karantin sababli rasman yopiq bo‘lgan mehmonxonada istiqomat qilishgan. Ronaldu va Jordjinalar tushib qolgan video ijtimoiy tarmoqlarga joylangan edi, biroq keyinchalik o‘chirib yuborildi.

Portugaliyalik futbolchi karantin qoidalarini buzgani uchun jarimaga tortilishi kutilmoqda.

Ronaldu Italiya Kubogining 1/4 finalida SPAL jamoasiga qarshi o‘yinni o‘tkazib yuborgandi.