Туриннинг «Ювентус» ҳужумчиси Криштиану Роналду ва унинг севгилиси Жорджина Родригеслар карантин қоидаларини бузишди.
Corriere dello Sport нашрининг тарқатган маълумотига қараганда, жуфтлик каратин кучайтирилган Пьемонтдаги Валле-д’Аоста чегарасини бузиб ўтишган. Роналду 27 ёшли севгилисининг туғилган кунини нишолаш учун чанғи курортига боришган эди.
Қайд этилишича, ушбу жуфтлик карантин сабабли расман ёпиқ бўлган меҳмонхонада истиқомат қилишган. Роналду ва Жорджиналар тушиб қолган видео ижтимоий тармоқларга жойланган эди, бироқ кейинчалик ўчириб юборилди.
Португалиялик футболчи карантин қоидаларини бузгани учун жаримага тортилиши кутилмоқда.
Роналду Италия Кубогининг 1/4 финалида СПАЛ жамоасига қарши ўйинни ўтказиб юборганди.
