“Yuventus“ yozgi transfer oynasida tarkibni yanada kuchaytirishni o‘ylamoqda.
Turinliklar, “Fiorentina“ning ikki futbolchisi Nikola Milenkovich va uning vatandoshi, Dushan Vlahovichni o‘z safiga qo‘shib olmoqchi. Ikkala futbolchi ham Serbiyaning “Partizan“ klubi tarbiyalanuvchilari hisoblanadi.
Qayd etilishicha, Milenkovichning agenti “Yuventus“ bilan yaxshi munosabatda. 23 yoshli himoyachi joriy mavsum A Seriyaning 19 uchrashuvida 2 gol va 1 golli uzatma muallifiga aylangan. Hujumchi, Dushan Vlaxovich esa 20 o‘yin o‘tkazib, 7 marotaba raqiblar darvozasini ishg‘ol etgan.
Eslatib o‘tamiz, Turin klubi 2017 yilda “Fiorentina“dan Federiko Bernardeskini, 2020 yilda esa qanot yarimhimoyachisi Federiko Kyezani sotib olgan edi.
