“Ювентус“ ёзги трансфер ойнасида таркибни янада кучайтиришни ўйламоқда.

Туринликлар, “Фиорентина“нинг икки футболчиси Никола Миленкович ва унинг ватандоши, Душан Влаҳовични ўз сафига қўшиб олмоқчи. Иккала футболчи ҳам Сербиянинг “Партизан“ клуби тарбияланувчилари ҳисобланади.

Қайд этилишича, Миленковичнинг агенти “Ювентус“ билан яхши муносабатда. 23 ёшли ҳимоячи жорий мавсум А Сериянинг 19 учрашувида 2 гол ва 1 голли узатма муаллифига айланган. Ҳужумчи, Душан Влахович эса 20 ўйин ўтказиб, 7 маротаба рақиблар дарвозасини ишғол этган.

Эслатиб ўтамиз, Турин клуби 2017 йилда “Фиорентина“дан Федерико Бернардескини, 2020 йилда эса қанот яримҳимоячиси Федерико Кьезани сотиб олган эди.