Хулиан Альвареснинг Мадриднинг «Атлетико» клубидан «Барселона»га ўтиши мумкинлиги ҳақидаги хабарлар трансфер бозоридаги энг муҳокама қилинаётган мавзулардан бири бўлиб қолмоқда. Аргентиналик ҳужумчи «кўк-анорранглилар»нинг устувор мақсади ҳисобланади.

Barca Universal хабарига кўра, 26 ёшли футболчининг агенти Барселонага етиб келган. У бу маълумотни ижтимоий тармоқлардаги ўз саҳифаси орқали ўзи эълон қилди. Бироқ ташрифнинг аниқ мақсади ҳозирча номаълум.

Якшанба куни «матрасчилар» Ла Лиганинг сўнгги турида «Вильярреал»дан йирик ҳисобда мағлубиятга учрашди (1:5). Ўйиндан кейин мадридликлар устози Диего Симеоне Альвареснинг келажаги ҳақидаги саволга жавоб берар экан, футболчининг жамоадан кетиши мумкинлиги ҳақидаги миш-мишларни янада кучайтирди.